梁浸浸陳真提早放假 全情投入畫畫賣萌

流感高峰期下，全港幼稚園、小學等有得提早放農曆新年假，仔女突然放假搞到星爸星媽好頭痕，要諗計仔安排活動。鄭希怡同老友黃依汶帶仔女去畫畫，在社交平台分享小孩開心時刻。

梁浸浸 、陳真在巨形畫紙上發揮小宇宙不停畫，用畫筆都唔夠喉，索性出動小手手沾顏料，全情投入畫畫。鄭希怡亦留言：「冇得返學的時候 #梁浸浸 #陳真 #畫畫時間」。網民讚兩位小朋友「用盡身體去畫，有功架」、「真的玩得盡興，提早放假開心囉」、「兩個都很可愛啊」。