開心感動到想喊 容祖兒Mark期陪阿嬌出嫁

作為龍虎豹一份子，容祖兒回應好姊妹鍾欣潼（阿嬌）訂婚喜訊，說：「睇到佢個instagram，其實我真係好開心好感動，嗰刻有啲想喊。一直以來我覺得阿嬌心地好好、好善良、好有愛心嘅女仔，喺我心目中佢好值得有個人全心全意愛佢同埋照顧佢同埋錫佢，亦覺得其實佢已經好Ready進入人生另一階段，無論年紀同埋狀態，所以真係知道呢個消息，作為佢好朋友真係好高興。咁我梗係好開心聽到呢個消息，但未知幾時真係結婚，不過無論佢幾時都一定會Mark好個期分享呢個人生最大嘅日子，所以好希望大家都為佢高興都祝福佢。」