人形公仔條裙太窄？古巨基慶功宴入錯女廁

歌手古巨基(基仔)擔任好友周慧敏(Vivian)的演唱會總監及表演嘉賓，演唱會的反應非常好，歌迷都非常滿意，大讚演唱會好好睇！演唱會圓滿結束，當然要搞番個慶功宴犒勞一下台前幕後的工作人員。在慶功宴期間，基仔自爆發生了一件尷尬事，就是他竟然一時不小心入了女廁！

基仔在社交網留言講出事發經過：「凌晨2點45分慶功宴尾聲，人有三急去個廁所。進門後隨便入了一個廁格方便，一邊解決一邊聽到有人入來進了另一廁格。如廁後洗完手便推門離開，開門後竟看見對面廁所門出來了一名男士，我呆了一秒才反應過來，回頭看到門上的人形公仔是著(着)裙的！」基仔發現後就急急腳趁廁所裏面個人未出來就拿拿聲走先。基仔都有為自己辯護，指自己可能太眼瞓或者是因為個人形公仔條裙太窄所以才搞錯。有網友講笑咁話，如果個女仔能夠在女廁見到基仔，簡直開心都嚟吾切啦！