「新四朵金花」浸溫泉 心穎被撇低寸爆家姐迷路

黃心穎有3位家姐心美、心慧及心妙，日前3位家姐撇甩心穎，帶埋黃媽媽去日本箱根旅行、浸溫泉，玩得開心。心美、心妙更在社交平台不停上載靚相，更晒出露香肩的浸溫泉照，有媽媽取代心穎位置，她們更搞笑自封「新四朵金花」。

留港工作的心穎表示「葡萄」：「我家d（啲）女人今日去旅行！話說又無我份！」心穎更串爆屋企人「不過聽講佢地（哋）落錯車、迷路 .....唉，無我，係咁㗎喇！」