新疆零下27度拍外景 溫碧霞凍到病

女神溫碧霞（Irene）正身在新疆烏魯木齊拍攝新片《嫌疑者說》，在平均每日攝氏零下20度的氣溫下，終於支持不住冷病傷風及嚴重咳嗽，日前她更帶病向劇組請假接連飛去兩個地方番禺長隆及天津商演賺外快，雖然病到滿臉蒼白又不停咳嗽，但她沒有影響演出水準，依然迷倒全場，男男女女都瘋狂尖叫及狂拍照，又爭着跟她握手，魅力非凡，全場熱爆。
返回相比較和暖的城市番禺和天津，Irene表示終於可以暖一下身體，她十分感謝化妝師專程由香港帶了一批藥到番禺及天津給她服用，終於逐漸康復。她說：「最慘係拍外景，喺氣溫零下20度街道，凍到全身、手、腳、背貼滿暖包，少少暖的感覺都冇，全靠劇組好好，煮好多薑茶畀我地暖身，唔知係咪落雪前特別冷，臨起程到番禺前一日終於落雪，哈，落雪反而冇咁冷，個天仲好靚，藍天白雪好靚，好浪漫，幾唔捨得要離開飛去商演。」
完成兩個商演再折返烏魯木齊繼續拍攝工作，又繼續落雪，Irene雖然病還有少少尾聲，她也忍不住出去玩雪賞雪景。她開心說：「劇組幫我改咗花名，叫『帶雪』，哈哈，佢哋話，前幾日，我走咗之後即刻停雪，但我返番嚟之後，又即刻繼續落雪，仲落足幾日，呢度愈來愈冷，噚晚只得零下27度，導演驚我再冷病，將我噚晚外景改為拍日景，非常多謝咁多人照顧我。」