胡楓誓減半吋開騷 周啟生爆契爺先係個唱總指揮

胡楓（修哥）為下月在紅館舉行的兩場演唱會，已展開密集式排練，除了排舞外，今次演唱會的音樂總監周啟生，就為契爺修哥度身訂做了新歌《完全正能量》，舞衣亦率先曝光。
周啟生表示兩年前已有為契爺作歌這個打算，說：「想佢有屬於自己的歌，呢隻歌要佢唱得舒服、容易、有型，首歌啲歌詞加入關於契爺嘅事，如演出過嘅戲《青青河邊草》、《難兄難弟》等等！不要以為契爺86歲就好多事情唔知，其實佢好精靈，而且錄呢隻歌時，完全冇後期加工，一唱就完成！話我是音樂總監，其實契爺真真正正音樂總指揮，基本上演唱會一手一腳包辦，每一part佢都會親自監督。」
演唱會的排練進行得如火如荼之外，修哥亦有做運動來Keep Fit，除了是為演出操練，亦是為了擔起度身訂度造的華麗舞衫。修哥向自己承諾：「我會努力減半吋，每日都會跑步或者急步行路，這個就是我的健康之道！今次找了幫過很多人做衫、甚有名氣的陳華國先生來打造舞台衫。」修哥日前試了數套衣服，其中一套率先曝光，這套著上身顯得甚為威武的衫，將會是他跟觀眾近距離握手影相時穿著；演唱會監製透露，這件衫會有口袋，因為每次開騷修哥都會有很多朋友來支持同派利是，利是錢將會捐到屯門獅子會及博愛作為慈善用途！