黃長興凍冰冰拍落水戲 高Ling平常心爭女配角獎

無線新劇《BB來了》拍攝外景，講述黃長興突然向高海寧（高Ling）求婚，卻不慎將求婚戒指掉落海。最終黃長興竟然能尋獲婚戒，高Ling笑說：「梗係搵到啦！因為佢有兩隻嘛！」

高Ling日前31歲生日，問她如何慶生？她指忙於拍劇，未能相約好姊妹開派對，只能夾時間與逐位姊妹食飯慶祝。問到可有跟緋聞男友鄧智偉慶生？她笑說：「同好多朋友食飯，無刻意收過特別禮物。」另外，問到爭奪萬千星輝女配角獎的信心如何？高Ling謂：「都係平常心。今次係多咗人畀信心我嘅，得獎係對團隊一個肯定。」