子女運動請教練上補習班 陳豪：環境逼我變怪獸家長

陳豪、胡諾言、林盛斌（Bob）、歐鎧淳、鄭麗莎等出席《第五屆童跑同樂馬拉松》，除了陳豪，人人都帶同小朋友到場，就連未婚的歐鎧淳也帶兩個契仔同行。
單拖的陳豪直言沒此計劃，因來到才知大家都帶小朋友，但大仔只有4歲，大一點會較適合；不過他直言平日有跟3個小朋友做戶外親子運動，如踢波、籃球、網球、游水、踩單車及小朋友體操等，事關與其在家看電視或玩電子產品，倒不如多曬太陽吸收維他命D；只是小朋友年紀尚小，莫說不會執波、完全是當自己是個波一樣走來走去，所以也很期待跟兒女們真正做運動。
陳豪還透露有聘請教練指導小朋友做運動，並謂：「父母教的話，小朋友學得無咁快，我亦唔想教到半桶水或教了些錯誤方法，希望小朋友的運動技巧能達標。（有否讓小朋友參加補習班？）有少少咁喇…唔係我想做怪獸家長，係環境逼我變成怪獸，我都係跟，唔係我創先河。」正忙於為大仔搵學校的陳豪坦言，面試過不少學校了，慨歎現在不是家長選學校，是學校選家長，他也在學習在教育制度下如何生存，並直認有想過為校網搬屋，最希望3個小朋友將來能在同一間學校讀書。
提到《跨世代》劇集結局受讚賞，陳豪角逐視帝被睇高一線，陳豪高興說：「咁講就信心增加了半分。（結局有佘詩曼做彩蛋是否有伏線拍續集？）仲未傾；不過阿佘的出現和許多藝人的客串，都令人好surprise，但要再拍一部50集的劇，又要咁搞笑係好難，但可以原班人馬有其他合作。」（攝影：張家宜）