蔡少芬問老公唔追B真收爐？張晉淆底：可能有驚喜

張晉和蔡少芬（Ada）為代言的健康產品出席宣傳活動，甫開始受訪就大耍花槍，張晉更是搶先發功，聽到Ada表示新年在即但沒話收不收爐，他即笑指Ada做人阿媽無得收爐。當Ada續說習慣了中、港兩邊走，張晉又取笑太太，說：「你唔係兩邊走點識到我！」Ada也甜笑道：「係喇、係喇，我慶幸兩邊走識到你呀！」
張晉期間卻講錯說話，稱希望2018年前有工作有家庭，輪到Ada更正老公，說：「你咪有家庭囉！」張晉則解釋是意指去年工作太忙，希望今年事業和家庭取得平衡。笑稱張晉工作忙，Ada可空閒一點，Ada即謂：「其實我一直都好得閒，每日都過得好精彩，因為要湊兩個囡囡和睇功課，還要照顧老公，又有自己的工作，忙到做唔到自己的計劃。」原來好多人問過Ada可有興趣寫劇本？她亦表示有這個意思，還想嘗試執導，可惜很忙又多顧累。
搞笑是Ada提到聖誕節舉家到大阪滑雪遇見彩虹，令兩個囡囡大樂後，農曆新年再全家與朋友外遊，張晉卻一臉迷惘，問：「係咩？」Ada醒目的笑謂：「男人係做大事，呢啲閒事唔使理，我會搞掂晒，最重要你到時出現就得。」張晉即讚Ada每次都安排妥當，不做演員也可做旅遊策劃。另外，問到會否再計劃造人？張晉打趣指之前談到收爐話題不是指生B方面嗎？Ada就問老公係咪真係收爐？張晉即轉口說：「可能會有驚喜，驚喜就不用計劃的。」場面搞笑。（攝影：譚志光）