吳君如扮完女僕做閻王 為處女執導片瞓身演出

吳君如首次執導兼主演的作品《妖鈴鈴》，內地首周票房過3億。正當觀眾大讚兩位男主角吳鎮宇及方中信犧牲色相，願意扮光頭扮騎呢。其實吳君如在戲中同樣落力演出，除了做道士，還穿上女僕裝打掃酒店，又著古裝扮閻羅王，玩轉各種扮相。她說：「多謝大家支持我這個小學生導演，特別是鎮宇同方中Sir，大家愈夾愈好玩，我都有一齊扮鬼扮馬㗎！雖然閻羅王啲鬚搞到我成晚又痕又熱，但拍出來的效果，加上找來鵬哥（盧海鵬）配音，成個氣氛係威係勢。我們仲為呢場戲排咗隻舞將呢個場口盡興，十足開party。」

身兼兩職的君如，又演又導特別疲累，不過有好朋友拔刀相助，令她力量倍增。鎮宇更愈演愈開心，「本來每人得1個造型咋，有多幾個造型好呀，最緊要這個look充分發揮到我跟方中信的靚仔天賦，他不用扮光頭，連頭髮都重生。」