謝霆鋒夾Band勁興奮 Eason為《叱咤》改機票返港獻唱

《叱咤頒獎禮》完滿結束，更為觀眾帶來值得狂Loop的驚喜演出，包括謝霆鋒打頭陣獻唱令全場high爆，及陳奕迅（Eason）聯同林海峰和琴手何炳回顧叱咤經典30年，令人感動。

今日商台DJ謝茜嘉、梁文禮在節目《叱咤樂壇》講返完騷感受，二人都大讚霆鋒、Eason等人的完美演出，為頒獎禮增添色彩。謝茜嘉更大爆謝霆鋒接到演出邀請時十五十六，自覺已30幾歲唔知同後輩夾唔夾到，得公司同事提醒其實霆鋒只是早出道，年齡與演出的樂隊成員差不多，才決定來《叱咤》唱歌。原來霆鋒與樂隊Supper Moment、觸執毛練歌時勁興奮，有感Band Sound好勁要諗吓計劃，更是首次唱出歌曲《有火》Live版，並在本月4日派台。

另外，Eason同老婆、囡囡早已計劃好旅行行程，為《叱咤》表演他改機票提早返港，在旅程中睇定演出內容，除夕到港即加入綵排。事後Eason在社交平台上載短片，講返演出感受，「都係有啲緊張嘅，上去叱咤幾好吖，有啲腎上腺素郁動...都算完整完成一個演出，阿炳（何炳）好嘢，阿Jan（林海峰）好辛苦，好難背呀佢啲嘢要夾timing講嘢，幾有壓力，我就最易，企起度唱歌之嘛，新年快樂吖各位。」

影片來源：陳奕迅微博