【有片】跨欄爬亭底睇元旦煙花 山頂靚女去得盡

踏入2018年零時零分，維港發放「魔法星塵」元旦煙花迎新年。為爭取靚位賞美景，市民不但專程上山頂霸位，有人求盡善盡美，做「山大王」走上斜坡自選靚角度。有盛裝美女更跨欄爬到亭底，險象橫生。

為安全起見，在場維持秩序的警員不斷驅趕斜坡上的「山大王」，雙方鬥智鬥力，有人賴死不走，有人越叫越走，甚至躲於樹叢，一場「兵捉賊遊戲」玩足大半小時。

不過，你有張良計，我有過牆梯，有市民在另一邊山坡繼續爬，還有盛裝美女拋下儀態不顧，跨過欄杆，爬到亭底，自選靚位。只是，亭底長滿雜草，辛苦走到這裏，似乎看草清楚過睇煙花。