楊千嬅開騷撮合情侶 公開老公減壓秘方超爆笑

楊千嬅於平安夜在紅館舉行第二場演出，換了3套全新靚造型出場，迎接普天同慶的聖誕節。她還親自傳授老公丁子高減壓秘方，將靈魂由腳趾連接上腦袋，全場爆笑！ 普天同慶日子，觀眾亦特別熱情，快歌慢歌都全場大合唱。千嬅不時與觀眾互動，開騷後千嬅問大家平安夜想點玩？全場大叫「唱到12點」！千嬅說：「係喎，冇諗住平安夜倒數添，冇向紅館申請呀，你哋買31號張飛嘛，咁就一齊倒數！」 唱《可惜我是水瓶座》時，千嬅換了新造型出場，黑色單袖全身長裙，弗爆身材加上狀能大勇，觀眾如痴如醉大合唱。之後她說：「我希望大家都做到自己嘅理想、願望達成、搵到喜歡嘅人同佢表白…今日有無人係識咗新朋友買飛帶佢嚟睇，想發展吓㗎？好多男女睇我演唱會搞掂咗，我助手都係睇我演唱會識咗佢老公，結婚生仔，好旺㗎！」台下有人大叫「有」，千嬅興奮問他是否演唱會期間成功表白？觀眾答「係」，千嬅笑說：「我唱咗2個鐘咋喎，就變咗男女朋友？我啲歌真係好勁！」 另一個新造型就是唱《野孩子》時亮相，白色裙襬就如巨型聖誕掛飾，甚有節日氣氛，誇張又搶眼，全場嘩然！但裙襬又長又重令千嬅卻舉步為艱，她搞笑求救，說：「我條腰好冤（酸痛），有冇人上台幫我按摩？」講到有壓力要放鬆，千嬅表示老公丁子高是高手，說： 「我以前好介意人哋講我乜乜物物，依家唔介意，因為咁即係有人關心和留意我，就算嗰啲說話令我好嬲、好忟憎，都值得珍惜！以前我好執著，後來被我先生（丁子高）薰陶，但我慧根領悟唔到！例如今次搞演唱會前期好緊張，某日有啲嘢唔順利搞到我好忟，丁生叫我坐低，冷靜吓！」 千嬅模仿丁子高慢慢說：「合埋對眼、深呼吸，諗住你個腳板底（全場爆笑）由腳趾感受當下，連接身體，由腳趾到腳板底，上小腿到大腿……」，千嬅說：「佢由腳趾講到個腦，足足講咗15分鐘，其實我當時仲係好嬲好忟，但冇再講，因為我知我再講只會更嚴重。雖然我冇成功連接到我身體，但丁生成功咁連埋我把口！你哋都可以試吓，原來呢種『冤』都可以增進感情！」全場爆笑。