透視裝朱智賢惹劉佩玥「胸襲」 自爆真空上陣

朱智賢、張曦雯及劉佩玥出席《V City甜蜜倒數迎聖誕》活動，張曦雯爸爸亦到場支持。玩遊戲期間，劉佩玥和朱智賢拍檔做出電影「鐵達尼」經典動作，劉佩玥乘機摸朱智賢胸部。穿著白色透視兼露背短裙現身的朱智賢，相當性感。不過張曦雯亦不甘示弱，她身穿deep V白色裙亮相，相反劉佩玥穿著花裙較為遜色。 朱智賢笑言一身打扮以真空上陣，但已做足防走光措施黐膠紙。談到性感打扮可會令緋聞男友謝東閔呻醋？她說：「唔知，下次問佢！但我在節目《3日2夜》仲性感啦！」提到早前駕車發生交通意外後，緋聞男友謝東閔可有接送她。她說：「佢手車可能仲渣過我，我駕車好安全。」 劉佩玥表示好友陳瀅返到加拿大過聖誕節，不過自己已經跟何雁詩吃聖誕餐慶祝，但三人將會一起倒數迎新年，又笑指媽媽大爆弟弟經常問起她，因為自己工作忙早出晚歸。她說：「原來弟弟好掛住我，聽到媽媽講後我直頭流淚，希望多點時間陪他們。（建議弟弟拍拖？）我都有咁講，但覺得好窩心，啲人話弟弟長大就唔老友啦！不過我同弟弟越大越老友。」