星星TALK樓 譚嘉儀

唱作歌手譚嘉儀 冀35歲前圓上車夢 演戲主持作曲新嘗試 近年走創作歌手路綫的譚嘉儀（Kayee），同時亦參與演出不少電視劇及綜藝節目，《愛．回家》中「木偶妹」一角、以及重新演繹《陪着你走》一曲，令Kayee更打響知名度，在努力打拼事業之時，原來她自小就有一個置業夢，現正努力儲錢，望以自己實力於35歲前成功上車。 過去數年政府雖然不斷出招打壓樓市，但樓價仍屢創新高，曾於紐西蘭居住的Kayee坦言，「本港樓價與外國比較可謂超晒班，紐西蘭朋友屋企有花園、車位等，都只係100萬至200萬元，樓價較本港相對便宜，即使如此但會一步一步完成置業夢，所以現時努力儲錢。」 保守儲錢法 對於儲錢方法，嘉儀相對較保守，「自己冇咩特別嘅儲錢方法，就係平時唔好咁大使，每個月留意自己用咗幾多錢，有多餘錢同每月嘅人工就放係銀行，日後再作打算，當儲到一筆錢時用以置業之用。」至於投資方面，嘉儀坦言，「自己唔係好識投資，亦唔熟識股票市場，自己就比較保守，有錢就會放入銀行，並唔擔心貶值問題。」 談及未來置業想法，嘉儀笑言，「人人都想有自己嘅安樂窩，希望可以俾多少少時間自己，唔使咁大壓力之餘，亦有時間去了解清楚個樓市，望可以係35歲前完成置業夢。」 置業首選新界區 至於置業首選地區，她並不會選擇半山及港島區傳統豪宅地段，反而對新界區情有獨鍾，「雖然市區方便，但係自己同屋企人住慣咗新界區，覺的空氣好，人口密度冇市區咁高，而且樓價亦會較市區平少少，現階段會以2房或3房戶為目標，首期預算約150萬元。」 本港樓價貴絕全球已是不爭的事實，市民面對置業難問題成為社會議題，買樓靠「父幹」已形成社會風氣，嘉儀認同現時置業有一定難度，若沒有家人協助下難以置業，惟現時正努力儲錢，希望靠自己實力完成置業夢，毋須家人提供資金幫助。 近年愈來愈多港人將買樓視為成功，但嘉儀認為，「買樓並不是人生唯一的目標，可以有唔同選擇，人生只係活一次，租樓也好，買樓也好，都只係需要一個瞓覺嘅地方，對自己而言就冇咩所謂。」 社會上有少不人認為結婚前一定要有物業，嘉儀認為「每個人目標都唔同，唔可以一概而論，而自己就會與未來伴侶商議，即使 家買唔到樓可以出去租樓住，只要大家有共識。」 近年有不少港人紛紛轉戰海外市場，對此置業嘉儀指，暫時未有考慮於外國置業計畫，認為隔山買牛風險高，擔心難以打理及跟進，惟希望於本港置業。