咀完男拍檔想挑戰Hehe 林峯冷淡講女友：間中有聯絡

林峯出席沙田馬場活動，久沒在港露面的他，明日又啟程往外地出席聖誕活動，及參與內地頒獎禮。問聖誕是否不能陪同女友吳千語？他說：「佢有佢忙，我有我忙。（早前生日如何慶祝？）生日同屋企人過，佢太忙冇一齊。（女友有沒有送禮物？）冇，依家工作期。」他透露明年初會多機會見，參演的內地時裝劇在香港取景，拍至明年3月底，之後又再返內地。留港可多陪女友？他說：「佢唔喺度，努力工作，各有各忙。」怕不怕感情轉淡？他說工作為先，間中有聯絡。見他提及感情反應冷淡，追問是否已分手？他說：「真係冇嘢講。（是否仍一齊？）佢依家喺橫店拍緊部民初戰爭片，拍到2月底。（是否仍是男女朋友關係？）係。」問會否補祝生日？林峯說不用，生日及大時大節也沒所謂，工作最重要。他稱多年來不想答感情事，多謝大家關心。 另外，林峯表示兩年沒拍劇，去年才開始戲劇工作，內地劇《獨步天下》點擊率破20億，故跟劇中男拍檔張睿咀嘴兌現承諾。問是否回味？他說不回味，是很特別的感覺，第一次看回自己kiss全身毛管戙兼打冷震，大叫出來。今次並非首次與男仔咀嘴，與十幾年兄弟在大時大節或生日都會蜻蜓點水式，但沒那麼情深，笑言可挑戰一下這類角色。笑問點擊再高便與女友kiss？他說：「唔講呢啲。」（攝影：張家宜）