取消朋友聚會 許志安照顧患病愛犬最緊要

許志安到商台為動畫電影《玩轉極樂園》宣傳，片中聲演音樂人「阿德」的安仔，亦有份為動畫獻唱片尾曲《Remember Me》。安仔透露所唱的歌曲為情歌，配音時亦有人從旁教導。他說：「我都有問朋友如何配音，叫我唔好當自己演緊戲，因為動畫上的畫面會較為誇張，所以畫面如何我就跟住點去演。」他希望下次可嘗試扮聲，扮出來不似他就感覺好玩，又指鄰居的小朋友經常到他家睇戲，今次也相約一起欣賞動畫。 談到患病愛犬Lucky的狀況，安仔說：「OK呀！進展都幾好，遲啲睇第2個醫生再拎多啲資訊。本來放假約了朋友都取消，但牠緊要啲。聖誕節會留在香港，26號有工作，不過天氣凍都唔想出去。」