追平美斯五奪金球獎 C朗：我係史上最出色

葡萄牙國家隊隊長基斯坦奴朗拿度（C朗）贏得第五次金球獎之後，霸氣自己是史上最出色的足球員，「從來無任何球員贏得比我更多嘅個人獎項，我仲要唔係淨係講緊金球獎喎。」 C朗雖然追平巴塞隆拿前鋒美斯五奪金球獎的次數，但強調自己仍然高一班波，「好似打拳嘅美韋達同NBA嘅勒邦占士咁，佢哋唔係靠僥倖達到今時今日嘅水平，係有好多原因加埋一齊。要成為最好嘅一個，仲一直停留喺果度，你一定係比其他人更有天份。」 C朗續指，「無人比我更加全面，我兩隻腳都踢得波，我夠快、有力量、頭槌又勁，我入到波，又會助攻。你哋可以繼續撐尼馬或者美斯，但我肯定，無人比我更加全面」。