拋胸要襯場合 麥明詩分享高海寧金句：攞太多出嚟都厭

麥明詩擔任美容學院頒獎嘉賓，早前無線出「限奶令」，問到昨晚在台慶拋胸示人的麥明詩有否被人訓示？她說沒有，事前已徵詢公司同事和經理人意見，她說：「最緊要適合場合，新指引係畀我哋自由去表達自己，不需要做唔舒服嘅事。（訓示也不輪到你，其他女藝人更性感。）我心裏都係咁諗，我睇一線阿姐頭，跟阿姐標準。（跟誰？）阿田（田蕊妮）。（是否今後收起性感？）所以今日件衫釘高少少心口，正如高海寧所講攞太多出嚟都厭。」 此外，談到前男友林作拍片唱農夫的歌《好彩分手》，被指鬧爆前度，麥明詩稱廣東歌9成都是講分手，自己唱K也唱《好心分手》、《我不難過》。是否覺得對方鬧爆的前度不是她？她表示不敢講，覺得對方只是喜歡唱歌而已。