湯洛雯澄清冇管男友財政 黎諾懿爆羅天宇儲緊老婆本

湯洛雯穿性感露肩裝，跟黎諾懿任商場聖誕節活動嘉賓，黎諾懿表示現時細菌太厲害，身邊親友的小朋友都有因病入院，因此聖誕節只會跟太太及兒子「小春雞」留在家中度過。 湯洛雯透露平安夜會出席倒數活動，談到買甚麼禮物給男友羅天宇？她說：「因為佢有儲開玩具、Figure，會睇吓買咩畀佢。」黎諾懿大爆羅天宇跟湯洛雯拍拖前，他們不時到旺角買玩具，但拍拖後次數就愈來愈少，笑指湯洛雯給男友無形壓力。問到湯洛雯是否會管男友財政？她笑說：「梗係唔會啦，從來都無管過！人大咗想儲錢啫。（儲老婆本？）我唔知喎，你哋問佢啦，無理由我問佢係唔係儲老婆本㗎。」黎諾懿笑說：「阿叔幫佢（羅天宇）答啦！佢係儲老婆本，（老婆）係唔係你就唔知啦！」（攝影：朱偉彥）