傳羅嘉良被踢出台慶 宣萱：當年離開無線都係誠意問題

任達華（華哥）和宣萱出席傳媒周年誌慶活動，宣萱表示跟友人計劃農曆新年去滑雪，一向有睇風水的她考慮到犯太歲，擔心會受傷影響工作，所以會盡量小心。談到無線取消邀請羅嘉良參與台慶，問到她可會參與無線頒獎禮？她說：「無人同我提過喎！人哋嘅事，我就唔評論，自己當年離開無線都係誠意問題，返來再拍劇跟杜之克傾合作好舒服，他是好有誠意。有誠意合作咪合作，講道理啫。（好大機會奪視后？）唔應該出席先畀個獎，獎項就隨緣啦！工作排到明年，有就開心，無就做嘢啦！」 另外，華哥透露參演的新片押後開拍，所以有時間陪家人，亦會視乎能否抽時間一家人到芬蘭度過白色聖誕節。他說：「去年在溫哥華滑雪，今年如果成事的話會第一次全家去芬蘭，女兒由細到大好鍾意鹿，以前細個玩公仔，睇下今年可唔可以近距離接觸鹿。」