鄭俊弘跟300粉絲補祝34歲生日

鄭俊弘（Fred）出席生日派對及歌迷聚會，現場有300多名粉絲參與。適逢唱片公司工作人員同月生日，Fred即場吻對方額頭祝賀。11月10日34歲生日的Fred，坦言好開心跟粉絲補祝生日。對於生日願望，他表示最緊要開心同身體健康，事業上有好發展及做更好的音樂，並透露女友何雁詩送上維他命作為生日禮物。當記者笑他女友是否當自己維他命時，他笑言不是，但女友知他喜歡下廚亦送上李家鼎的烹飪書給他。 談到早前面對不少負面新聞，但粉絲仍不離不棄。Fred坦言好感動，今次聚會有部粉絲專誠由外地回港，亦有粉絲於他粉絲網頁留言鼓勵，他說粉絲就算講句早晨都已感到好窩心。提到有傳他拜狐仙轉運？他說：「呢啲報道唔係真，諗太多啦！我信自己，但不反對別人相信宗教，宗教都係導人向善，我不會求神轉運，家人就信佛，我無宗教信仰。（追隨女友信基督教？）不會，最緊要有自信心，但尊重每個宗教。」（攝影：譚志光）