同無線傾緊續約 鍾嘉欣著重自由工作計劃追B

鍾嘉欣回港出席活動，透露女兒Kelly和老公也喜愛聖誕節，今年會為女兒打扮成聖誕女郎，並會一起佈置聖誕樹。談到跟無線續約問題，嘉欣坦言下個月約滿，仍在洽談續約，但認為合約條件最重要是穩定性同自由度，由於現居於溫哥華難接劇，亦承認有其他公司找她傾談，不過以無線為首選。她說：「依家唔係我一個人計劃，老公不介意我工作，佢覺得只要老婆鍾意，唔影響夫妻關係同照顧小孩就得。」她坦言好享受不時返港工作做空中飛人，可以在飛機上睇書或構思製作，又指有計劃再生小孩，但要稍後再諗。 提到好姊妹王君馨買性感內衣誘惑老公，鍾嘉欣說：「好私人，不過同一班好姊妹好高透明度咩都會講，但唔話你知。」對於舊愛伍允龍日前拍劇被街坊投訴唱歌難聽，嘉欣指對方唱歌好勁似張學友，更建議登台要找對方，只是角色需要而唱得難聽。