張晉為拍潛水戲失眠 余文樂險爆肺

余文樂、張晉為宣傳新片《狂獸》接受ViuTV 節目《interviu》訪問，談及拍落水戲時，張晉坦言 : 「我真係好唔鍾意，失眠咗幾日！」 樂仔就話 : 「拍完之後我怕咗再拍潛水戲！」 張晉表示樂仔最初是經常取笑他在岸上幾勁都好，一落水就會及不上他，因為樂仔素有潛水經驗。樂仔笑張晉說 : 「佢係永遠拖到最後…問清楚真係拍先至落水！」所以樂仔很早就發現張晉怕水，頭一日見張晉落水時怕到面青青呢！張晉說 :「 到無錫那天知道幾日後要拍落水戲就開始失眠，原先已不愛多說話，那幾天更加封口一句話都不講！而且心知沒可能唔拍，一係死，一係就要克服佢，幸好最後迫自己克服到！而且之後開始愛上潛水添！」 反而有豐富潛水經驗的樂仔，以為一定問題不大，卻在拍完這部戲害怕了潛水！樂仔一臉認真說：「每日要上水下水十幾次，有一次我差啲爆肺 ! 因為急速潛落水底，當時我都唔知，係攝師及時發現話我唔拍得啦，會頂唔順！估唔到我已去到咁盡！」