被指徵免費創作產品辦年宵 傑出學生協會遭批評漠視創作人心血

維園年宵攤檔日前開始接受競投，每年都有學生參與，感受營商氣氛。香港傑出學生協會近日在網上張貼海報，徵收產品意念辦年宵，但被指向創作人免費索取產品意念，被批評不尊重創作人心血。協會其後公開致歉，指明白知識產權的重要性和意義，絕無意圖漠視創作人心血，並希望推廣香港的創意文化產業。 Facebook專頁「Artist都要食飯」出文批評協會不尊重創作人心血，指「你地而家走去逐個PM一D已經用緊創作維生、用生命時間換取一餐飯仔嘅創作人，向人地嘅專業範疇索取免費利益，仲要講到自己幫緊創作人，講到皇恩浩蕩，證明你地心目中都覺得印刷製作錢要俾+自己要回本，但創作人嘅精神時間反而唔使？」 協會會長Matthew出文公開致歉，承認公開招募過程中未周全考慮到設計授權費，又指計劃原意打算將年宵攤位收益扣除營運成本後，把全數餘款撥捐慈善機構，並重新審視計劃內容及形式，以確保所有人的利益得到最大的保障。 雖然協會公開致歉，但仍受網民批評自大、死不悔改，是「修飾自己過錯」，專頁「Artist都要食飯」再度回應批評，強調「我地都唔收錢啦」、「都係想幫創作人姐(啫)」的心態最錯，指協會並非對計劃「思慮不周」，「而係打從心底有一份『睇唔起創作人』嘅心態，又同時想借你地自己心目中『創作人係需要被拯救嘅一群』呢個印象賺取道德光環，仲要唔認自己想消費創作者嘅心血。」 協會做法亦引起網民一面倒批評，指利用學生身份剥削創作人心血，「不如你去租年宵攤位，入貨嗰時就話，我哋係學生嚟，非牟利嫁！唔好收我哋錢啦！你依家要人個設計嚟賣又唔畀錢人，依啲唔係叫合作宣傳，係叫打劫啊」、「咁你將designer既酬勞，計入你營運成本咪得囉。餘下幾多話知你捐比邊個」。