【阿Sa阿嬌重色輕友】祖兒承認缺席頒獎禮 睇好衛蘭攞獎

容祖兒出席發佈會，她透露下星期將與蔡卓妍（阿Sa）、鍾欣潼（阿嬌）一同拍攝廣告，坦言很久沒見阿嬌。笑問阿嬌是否掛住拍拖？祖兒表示很難約見，上次見面已是6月在她的生日會上，其他時間都是網上見。問對方是否重色輕友？她笑說：「唔好意思咁講…但極有可能有嫌疑咁講，不過佢之前又要拍戲。（是否各自有另一半而少見？）係，往年萬聖節阿Sa會約我去蘭桂坊蒲，但依家佢有毛有翼唔約我，我惟有返屋企。屋企會有小朋友撳門鐘攞糖。（男友劉浩龍呢？）我返我屋企。（佢去你屋企？）冇，扮鬼嚇你㗎！」 另外，祖兒承認今年將缺席4個樂壇頒獎禮，與公司取得共識休息一下。談到斷了連霸寶座，她說：「年年都係我唔健康，唔好阻住地球轉，今年冇歌，唔好蟬聯一世寶座賴死唔走，大家欣賞我嘅努力已不在獎項上蟬聯幾多次。」祖兒希望明年會推出廣東或國語專輯，她今年睇好衛蘭，喜歡對方的唱片，大讚對方今年最叻、最努力和唱歌好聽，希望對方獲獎。