夏雨自爆當年唔化拒演老生 李司棋可裸露不能咀

李司棋與夏雨作客昨晚播出的無線節目《最佳拍檔》，夏雨先爆料早於1974年好友馮淬帆（阿緊）傾好他約見當年無線高層鍾景輝（King Sir），他遂拒絕麗的電視簽約，但偏偏約見前一日，阿緊在無線餐廳發生潑砂糖事件，潑正無線董事的兒子，阿緊隨即被炒魷，他簽約無線無望，幸得其他人介紹入無線打散工，但人工較在麗的時少很多。 提及1983年演《射鵰英雄傳》，夏雨坦言當時很不願演這劇，他起初還解釋討厭黐鬚，隨即自爆因不想演老生，好介意演父親角色，其實是唔化，所以離開無線。他說當時只得阿緊這個同年代老友經常鬧他，說：「3、40歲邊個睇你花前月下拖手仔呀，睇到都打冷震啦！」他說回去想兩個40幾歲人仲咀嘴真核突，不過仍要攬住個小生唔放！但他當時聽到要演老竇真的想喊，驚覺歷史巨輪下他已不能做小生要做老竇。他解釋：「係驚唔做小生搵唔到錢，影響事業冇飯食，係累積落嚟，雖然當時有飯食，所以唔撈去咗台灣，延續我嘅小生尾巴。」 司棋姐作為女星自稱反而沒這個想法，她認為做好戲要拋個身，為戲而做，她記得過檔麗的一年，有短劇講夫妻不協調，其中一場戲她覺得應該不穿衣半裸露背，但講不出口，她坦言可犠性背部，但不可咀嘴，因為好怕污糟，入行以來唯一拍《神女有心》跟楊群激咀的一場戲，都只能蜻蜓點水。夏雨就笑司棋姐說：「掂我肉體唔得，望我肉體就得！」 二人由年輕到老演了不少次夫妻，但司棋姐竟說到現在才了解夏雨，因為之前完全不接近對方。司棋姐說：「聽聞佢好火爆，我哋冇乜溝通，佢老人家比較自我。」他們說今次合作《溏心風暴3》大家都有改變，演恩愛夫妻也多了說話溝通。