孖鄭俊英蜜遊釜山 雨僑錯著比堅尼曬到燶

雨僑（Ava）與韓國男歌手鄭俊英早前在釜山拍攝新一輯的韓國旅遊節目《都市蜜遊》即將推出，此行Ava試過同鄭俊英齊坐吊車上山頂、食海鮮，又到訪韓劇《鬼怪》的燈塔景點。不過去到海雲臺海灘，浪漫就開始走樣，Ava笑說：「節目組叫咗我哋準備泳衣，我就着咗比堅尼，點知去到係好曬，啲韓國人着晒防曬衣，鄭俊英仲帶晒帽着晒長袖衫，我就曬到燶晒，可謂老貓燒鬚，結果要去韓國護膚品店買防曬品急急咁搽，但膊頭都係曬燶咗。」 搞笑事還陸續有來，Ava和鄭俊英乘坐的專車，車廂內裝上5、6部攝影機，拍攝兩人在車內的對話和動作，但Ava卻因為我太累睡著了。她說：「唯一同鄭俊英喺車廂入面嘅秘密對話係：『唔該，我想問個櫈背點樣可以再瞓低啲？』跟住我就瞓番，到醒咗時好似浪費咗工作人員喺車度拍攝嘅一番心機。」