黃心穎預告新年同馬明互見家長：仲可以𢭃利是

黃智賢、黃智雯、黃心穎、C君等為無線劇集《雜警奇兵》到尖沙咀進行花車巡遊宣傳， 談到中秋佳節如何度過？心穎透露中秋節做了湊仔婆，她跟姐妹及其兒女到了主題樂園玩耍。問到緋聞男友馬國明可有同行？她說：「無帶馬明去。（中秋節冇同對方父母過節？）我連自己屋企人都無時間食飯慶祝。」談到他們可有見過對方父母？她笑說：「見家長咁大陣仗，遲啲先啦！新年會係一個好時機，仲可以𢭃利是。」 黃智雯自言算是大家族，每年都會一大班親人慶中秋，男友亦有出席。她說：「中秋節係開心的日子，禮貌上是要拜會一下。（有冇被催婚？）咁又無喎！」黃智賢就謂昨晚早收工，跟太太溫馨地過中秋。談到收視，他坦言有留意網上留言，知道觀眾反應及口碑不俗。（攝影：羅安強）