紙紮「妹仔」燈籠款超驚嚇 網民：一次慶祝兩個節

中秋佳節將至，傳統都會食月餅掛燈籠應節，燈籠款式更隨時代而演變，由傳統的紙白兔到現今各式卡通人物的膠製燈籠，款式應有盡有。最近網上流傳一款駭人的燈籠款式，就是化寶時會見到的紙紮公仔款式，在裝上小燈泡後，不但沒有節日氣氛，更添上幾分靈異感覺。 圖片上載於Facebook專頁「巴打絲打」，見到紙紮公仔款式的燈籠，較一般化寶用的體積小，但外型相若，只是加上手柄和小燈泡。本身燈籠未著燈時已有駭人氣息，著燈後更倍添靈異。 有網民直言燈籠嚇人，高呼「大吉利是」、「嚇鬼咩」、「會唔會有野跟尾」、「延續鬼節氣氛」。 但亦有網民笑指「咁我用手機照自己塊面已經得啦唉」、「 想識另類朋友、一試不妨老友！」、「啱啱過完7月節唔好浪費，加盞燈中秋又可以拎出嚟賣」、「一次慶祝兩個節~唔錯」。