麥紫莉首戰即受傷倒地 麥家琪落敗自覺表現收貨

ViuTV節目《G-1格鬥會II》8位參賽遠赴日本進行特訓，首兩場MMA，首場為麥家琪對戰張可義，隨後為麥紫莉對戰余智嘉。麥紫莉對勁敵余智嘉全程處於下風，第二回合更被對手施展Arm Bar最終拍地投降。賽事結束後麥紫莉仍然倒地不起，她聲稱左邊膝頭受傷，需要在場教練扶出場外。 首場麥家琪對張可義（Emily） ，全場比賽為三回合，每回限時為兩分鐘。麥家琪頭兩回合都處於下風，到第三回才略佔優勢，最終由裁判宣佈下，勝出者為Emily。賽事完成後，麥家琪稱經過訓練後，對自己表現收貨。談到輸了會否反覺鬆一口氣？她笑笑口說：「我無諗過喎！不過聽你咁講又覺得係鬆一口氣。咁始終台下睇就最開心。」她笑言必會被仔女取笑，說：「我老公打詠春，佢都叫過我唔好打，不過佢又知我話唔聽。」Emily自言勝出是意料之外，說：「朋友同屋企人都覺得我勝算唔高，始終訓練好短時間，可能今日平常心去打。家琪都發揮得好好，佢參賽都要好大勇氣。」