【5臥底炸死定詐死】洪永城：一集咁少？何雁詩：我死咗未呢？

無線劇《使徒行者2》昨晚首播，第一集就帶來大震撼場面，卓Sir苗僑偉帶住5個臥底在泰國進行任務，完成後正向上司報喜領功，5個臥底卻在屋內被炸得粉身碎骨，卓Sir傷痛得肝腸寸斷，之前點解成班人跟泰國人對話，除了沙嘩啲吸外，全部泰國人都跟他們廣東話對話？都已不重要。 5個臥底洪永城、何雁詩、連詩雅、楊潮凱和古明華說是客串玩玩，但個個出少少戲都好型格，角色性格明顯，好多網民就話不相信5人就出這麼快玩完。無線劇成日玩「翻生」，最新代表作是剛播畢的《踩過界》中Never李佳芯明明死了，結局完了都要出現；今次洪永城同何雁詩都在社交平台似有劇透，洪永城在微博留言：「一集咁少，會不會呢？」何雁詩就在instagram貼上與連詩雅合照，留言：「對於我係（喺）使徒行者2第一集一黎（嚟）就死左（咗），我身邊嘅朋友一致表示好爽。反而我自己睇到有d（啲）眼濕濕⋯其實我唔想死架（㗎）！定係我死咗未呢⋯?」