吳肇軒自爆名字遭取笑：幾十歲人叫小軒？

吳肇軒自從演出《哪一天我們會飛》後廣受歡迎，之後再拍電影又拍劇，於演藝學院畢業的他，一直好想重踏台板，現在他終於如願以償，因為他將會演出舞台劇《家・寶》。軒仔雀躍說：「好興奮好期待！好耐無感受過一班人排戲，今次係《家・寶》二度公演，新加入仲有DJ細So、香港舞蹈年獎得獎者陳敏兒、舞台劇界前輩張銘耀，好想知大家會撞到啲咩出嚟。」 《家・寶》以每個人的名字做主題，故事橫跨80年代到現代香港，吳肇軒飾演的樂智文是文學系大學生，與女主角余家寶拍拖，湊成「樂如家寶」，讓本來討厭自己名字的女主角改觀。講到自己的名字，吳肇軒就遇過一件搞笑事，說：「同人介紹完自己，對方以為我叫『小軒』，即刻講『嘩你幾十歲人叫小軒？』。」其實吳肇軒這個名是他爺爺找睇相師傅改的，雖然細個時會嫌多筆畫，但現在反而覺得好特別，希望將來更加多人記得吳肇軒這個名字。