胡定欣酒店開P賀壽 願望胡說八道會下世做真姊妹

胡定欣昨日36歲生日，約埋「胡說八道會」、陳山聰、林夏薇、梁烈唯、楊秀惠等人在酒店開P慶生，望住海景食飯。除了胡蓓蔚携老公單立文現身外，其他人一律撇低另一半單拖出席。眾人又悉心打扮成70年代的懷舊Look，難怪梁烈唯都開心話有「靚人、靚衫、靚食物」。 壽星女胡定欣收大蛋糕誠心許願，係咪希望早日搵到白馬王子呢？她又上載靚相多謝好友：「我深深感受到大家的誠意，有很多意想不到，多謝你地（哋）每位悉心打扮，一個字，正!!」黃智雯亦送上祝福：「祝大喊包 @nwuuu 一直幸福開心下去。您話架（㗎），下世我們六個要做真姊妹」。胡杏兒更希望以後開生日P都有主題，再頒個最佳服裝獎，真係有諗頭。