鍾嘉欣帶囡囡出遊騷弗爆Body 努力修身復出拍《再創世紀》

鍾嘉欣去年2月閃嫁脊醫老公後，同年8月誕下囡囡Kelly，婚後定居溫哥華專心湊女，久不久才返港賺奶粉錢。雖然嘉欣講過想追多個B、一切以家庭為重，不過她依然喜愛幕前工作恨拍劇。 今日嘉欣上載抱女的背面照及到海邊遊玩的靚相，唔止景色優美，相中的嘉欣更穿上背心、緊身褲大騷弗到漏的身形，完全回復產前的靚Body。她留言：「大家好嗎？想念你們。我現在很好。我想問， 你們想再看我演戲嗎？我已經好久沒有拍戲啦」。有指無線劇《再創世紀》將於溫哥華取景1個月，天時地利人和夾好晒，睇嚟嘉欣已做好準備加入劇組，向粉絲預告不久的將來可睇到她復出的作品。