安歌盡訴心底話 阿倫笑Sam係忍者

許冠傑（阿Sam）和譚詠麟（阿倫）經過12場的磨合後成為最佳拍擋，已相約開Part 2 、還約埋食好嘢！阿Sam和阿倫在昨晚最後一場《阿Sam & 阿Tam Happy Together 演唱會》上大談首度合作的心底話。 安歌前，阿倫提議和阿Sam講下合作了12場的感受，阿倫先說：「最初接觸阿Sam比較難，因為他是忍者，很少出來，而接觸到後，又發覺他較內向、怕羞，搞到我都唔敢講笑怕嚇親他；但熟絡後，原來他好好玩。而由於阿Sam沒有跟人合作過，係需要些時間磨合，亦很開心我們每晚都有進步、默契更深，現在更成為最佳拍擋！」阿Sam也附和道：「無錯，我們已心有靈犀一點通，我都好開心，多謝你話我係你偶像，而你又係咁多人的偶像，你的歌傳頌萬世，又搞到我的粉絲咁開心！」阿倫又感謝阿Sam令他的粉絲好開心，引得全場起哄。 阿倫又鬼馬的逗觀眾說：「12場已經完結，除非大家表明態度、就會把這幾晚的歌重唱一遍，我們就算嚮下面都會聽住，換作衫就再上來。」全場更是叫囂震天！當二人再度出場，氣氛更是澎湃，全場站起身跟他們萬人大會唱和跳舞，阿Sam開心說：「大家的氣氛令我好似發場春夢咁，非常冧和開心....我嚮紅館咁多年，都未試過有咁嘅反應。」二人又不停指這12場令他們好happy，齊聲指得期待開part 2，同大家再玩過，會盡快看有什麼期！