爺爺洪金寶帶TJ到少林寺學武 周家蔚舉腳贊成

周家蔚與大仔洪大仁（TJ）出席活動，母子同穿上迷彩裝，TJ表現活潑，手舞足蹈大耍功夫。周家蔚笑指TJ應該是自學，說：「佢睇過爺爺（洪金寶）嘅經典電影，當時都仲好細過，佢好留心咁睇晒，應該仲記得。你知啦！爺爺、元華叔同元彪叔嘅電影好犀利，跳來跳去。」 問可考慮正式給TJ學武術？她說：「會啊！爺爺話帶佢去少林寺。（最快幾時？）爺爺話最快可以下年暑假，咁到時我都會跟埋去。其實都好，畀佢學吓平淡生活，學喺城市學唔到嘅嘢。（老公唔肉痛？）爺爺提議，我哋最聽老人家話。通常都係爸爸媽媽教，爺爺嫲嫲寵。依家爺爺唔介意，我舉腳贊成。」

此外，周家蔚將於本月25日34歲生日，她透露已陸續跟朋友吃生日飯，但就未跟老公洪天明定好日期慶祝。她笑笑說：「我同佢講我個期就滿，佢真係好勤力，我知佢努力工作，係想畀更好生活我哋，但係佢話瞓唔到，好多嘢諗，我怕佢辛苦。正日希望天明同我幾個好姊妹一齊慶祝。」（攝影：駱震寧）