許志安鄭秀文齊慶生 食Q版造型壽包笑不停

許志安剛於8月12日「入伍」踏入50歲生日，老婆鄭秀文（Sammi）趕及由外地返港陪老公過生日。由於本周六（8月19日）就是Sammi的45歲生日，所以一眾好友雷頌德與老婆梁家玉（Jade）、蘇永康夫婦、歐陽德勛孖老婆蔡立兒等，就同安仔和Sammi慶生。

成餐飯最特別是兩籠以兩位壽星造型炮製的Q版壽包，整得又靚又Cute，所以平時好低調的安仔同Sammi，都罕有頭貼頭跟成班好友及兩籠壽包合照，讓Mark嫂Jade貼上社交平台；Sammi亦上載拿著壽包笑不停的短片，雖然沒拍安仔的樣，但就聽到安仔問：「揀件我食啦得唔得？」Sammi還留言：「食cute cute壽飽（包）。多謝親愛的brothers and sisters. 多謝呢餐飯。人大了，早已不用什麼狂歡，#大家健健康康聚埋一齊就好高興感恩 Thank you for the dinner and the love. Happy!!!」網民都留言壽包太可愛不捨得吃呢！Sammi仲張她的Q版造型壽包Key圖落自己之前的型格唇膏宣傳照度。