霆鋒同樣踏上離婚路 謝賢哽咽：每次諗起都喊

謝賢（四哥）曾感慨表示想不到兒子謝霆鋒會跟他同樣走上離婚之路，日前他在訪問中談及此事不禁哽咽道：「呢個係我孤獨老人嘅創傷，每次想起都難免落淚！」問他與結婚25年的狄波拉離婚，對霆鋒有無影響？他不以為意說：「應該無！我哋決定離婚前有徵詢過仔女意見，霆鋒好瀟灑，佢好贊成我同拉姑做返朋友，所以就算有影響，佢應該都識處理！」

問四哥有無同阿仔女友王菲見面？他笑笑道：「呢樣唔理啦，霆鋒從來唔會問我識咩女仔，我哋屋企唔興問呢啲嘢！」正如四哥也從來不過問阿女婷婷傳和「鷹眼」謝洛美維納拍拖，他笑道：「番鬼佬！佢鍾意就得，一世人幾廿年，至緊要開心！」四哥又自嘲是個「不知所謂」的爸爸，管教霆鋒和婷婷從來是拉姑的事；他形容拉姑是賢妻，不過管教嚴厲並不是良母。