小Celine唱情歌被彈冇Feel 蕭定一澄清AGT指定冇得揀

9歲小巨肺譚芷昀（Celine）在新一集《全美一叮》（AGT）中，演唱Michael Bolton的悲傷情歌《How Am I Supposed to Live Without You》，人仔細細唱功了得的她令客席評判Laverne Cox忍不住按下Golden Buzzer，保送Celine晉身下一輪賽事。 有報道指唱作人兼監製Eric Kwok（郭偉亮）稱讚Celine是唱歌天才，不過9歲小妹妹冇愛情經歷去唱情歌，成件事冇情感、唔襯小朋友，更認為Celine就像唱功一流的機械人。

對於Eric Kwok的言論，Celine的經理人蕭定一作出回應，表示《AGT》指定歌曲，參賽者無得揀。他說：「我希望佢明白唱乜嘢歌我哋係無權去選擇嘅，因為歌曲係AGT指定，所有權力都喺AGT嗰度。當然我哋聽到要唱呢隻歌嘅時候，都明白一個9歲嘅小妹妹，係好難明白一個失戀者嘅感覺，我哋有盡力去解釋畀佢聽，但係亦都唔會覺得佢會理解，所以只可以盡力叫佢唱好啲。對於Eric嘅指導我哋係理解同明白，日後定當會朝呢個方向努力同埋進步，多謝指教。」