出愛情書搲銀　駱胤鳴認結婚欠缺錢同樓

駱胤鳴現身書展為新書《有種愛情》舉行簽名會，第三度出書的她，表示今次用了幾星期時間撰文，當中內容有講及男友，更被朋友笑指她放閃光彈，還有自己同朋友的愛情經歷，又認為好或不好的愛情也是好的經歷。她說：「男友睇過本書，佢仲幫我寫序，睇完本書話估唔到我會寫呢啲出嚟。」

駱胤鳴自爆有次在中環天橋上誤以為男友向她求婚，因為當時有藝術家拉奏《月亮代表我的心》，又見男友摷袋，但原來對方拎錢畀藝術家。她說：「上星期重遊舊地，男友話唔係求婚，但有計劃將來。（欠缺咩？）錢同樓，自己唔一定有樓先結婚，但男友想畀安定生活我，我婚後會工作，所以我係一個好女友。」她又指本身收入不穩定，如買樓會難以通過壓力測試，所以畀首期要5、6成，現時尚欠幾百萬才可上車，希望銷售更多書可資助上車計劃。