羅霖拍劇操勞甩頭髮患喉炎　張文慈唔介意演媽咪級角色

鄭明明、張文慈和羅霖出席美容中心開幕活動，首次拍古裝劇的羅霖透露已完成拍攝《深宮計》，但拍完七勞八損，甩頭髮又患慢性喉炎，不過演員最重要有好角色，今次跟台前幕後成為好友，每月相約聚會。從事美容生意的她，表示最近為選美活動擔任評審，發現18歲未必無醜婦，當中不少欠缺護理，所以她教導參選者深層清潔。

另外，身為基督徒的羅霖，表示最近睇到同性婚姻國際化，認為如有朋友是同性戀會體諒，不過不會接受，因為本身有三個兒子，若不停宣揚這種事會感覺好亂。她說：「可能我們較為傳統，會帶來好多問題，父母都要改成叫雙親，如果兒子這樣都會接受。」

穿著低胸兼露背橙色裙的張文慈，擺甫士時不慎露出胸墊。談到可有興趣做美容生意？她表示一直獲邀參與美容活動，但自己並非做生意材料，反而覺得做代言人較適合，因為可以扮靚。提到有份參演《深宮計》，她認為辛苦也覺值得，只要拍得靚便可，但拍攝期間試過下雨，監製梅小青能夠好快解決問題。她又指緊接拍新劇《跳躍生命線》，在戲中飾演馬德鐘家姐。當記者笑指她扮演胞妹較為適合，她說：「無所謂，做演員係咁！10年前我都做過黃浩然、梁榮忠阿媽，馬德鐘家姐年青咗啦！」