李克勤演唱會終極加場　擁小波地老鼠仔形象無底線

李克勤慶祝成立30周年演唱會暨歌迷聚會，並公佈加開一場演唱會，由9月3至11日，一共9場。由於熱帶低氣壓洛克襲港，今次活動延遲舉行，不過仍吸引約200歌迷到場支持。一身黑色打扮現身的克勤謂昨晚才返港，因為跟家人到新加坡玩了3日。 克勤稱今次加場是最後一次，亦肯定無期。他說：「長長久久，好靚仔數字，希望畀到真正歌迷買到飛。」另外，今次演唱會起用全新製作班底，並親自聯絡黃偉文負責形象方面。他說：「我無底線，下星期去日本，佢話跟住佢同我老婆就得。」問到可需為個唱操身形？他說：「一向有操練，少少胸、小波地、小老鼠，佢哋叫我唔使咁勤力，唔好做到咁大，唔係啲衫唔啱著。（可有加歌酬？）一路無嘅！成個製作為主，好製作收少啲無所謂，但楊生（楊受成）唔會虧待我。」

提到於主題樂園酒店的泳池一家四口被影到嬉水，克勤笑言一向好少被影到，估計一早已埋伏。他說：「老婆嬲咗3日舉腳相，好彩有呢張，唔係以為放料。過咗去無謂再講，我唔係好肥，但無腹肌。（擔心小孩露面？）打咗格仔，都有良心。（怕咗在香港？）所以去了新加坡玩，室內有泳池仲可以唔使著。（裸泳？）費事嚇親他們。」（攝影：羅安強）