8.27加州搞婚禮　樂基兒試婚紗嗌緊張

樂基兒早前宣佈與拍拖兩年的生意才俊男友Ian結婚，下月27日宴請親友到加州觀禮，不過前夫黎明未有送上祝福，樂基兒亦直認少聯絡。已積極籌備婚禮的樂基兒今日開心試婚紗，Deep V騷身材，都算養眼。準新娘拍片分享緊張心情，仲話自己比起之前清減不少，件靚靚婚紗啱身啦；樂基兒化淡妝都咁省鏡，待嫁新娘果然進入咗作戰狀態。