王君馨索爆姊妹團齊騷胸　苟芸慧岑麗香夠養眼

王君馨（Grace）與老公Daniel今日在港補擺喜酒，中午時Grace先與姊妹團成員苟芸慧、岑麗香、衛蘭、李亞男等人食lunch。在開心日子不忘開工的Grace，在TVB的big big channel開直播，騷索爆姊妹團的食相，見苟芸慧、香香等派福利晒事業線，相當養眼。Grace亦冇被搶去「峰」頭，穿上白色喱士Bra Top，不失性感。

在直播中，Grace獲網民祝福快脆生B，她自言兩年後才會計劃「造人」，又開心表示「下次見，不過下次唔係我結婚啦，唔知係邊個姊妹結婚呢？」網民都話下一位係苟芸慧跑出，同有米男友陸漢洋拉埋天窗。