爆肌留鬚粗獷味濃　袁偉豪七情上面Cosplay「狼人」

袁偉豪近排忙於拍攝新劇《棟仁的時光》，為了劇中的角色，袁偉豪電了一頭鬈髮、留鬚，加上佢操到有六嚿腹肌、手瓜起腱，滲出濃濃的粗獷味。 以型佬形象示人的袁偉豪，赤裸上身，谷行肌肉，七情上面扮「狼人」曉治積曼，又扮得幾似喎。原來玩Cosplay有原因，佢留言話：「最近啲朋友時常話我流鬍子後樣子很像狼人，好吧現在就弄一張」。唔少網民對爆肌袁偉豪流晒口水，並大讚「使唔使型到咁呀？」、「好相似，好型」。另外，楊潮凱亦有貼相，孖住「狼人」袁偉豪出外景，仲搞笑指「唔通我同狼人開工又同你地（哋）講咩？ #我們是狼人一族# #狼人出沒注意# ​​​​」。