【晒Chok爆童年照】姜大衛擺70大壽　全家開心切燒豬　

姜大衛（John哥）昨日70歲大壽，宴請親朋戚友食飯，開心慶生。John哥嘅仔女、女婿曹永廉、大哥秦沛及家人、鄭欣宜等等都有到場，相當熱鬧。姜麗文、欣宜都有同壽星合影，一家人齊齊切生日燒豬，壽星John哥全程笑到四萬咁口。

放喺門口迎賓嘅紙牌上，印有John哥童年照，西裝骨骨Look加埋憂鬱神情，難怪姜麗文含情仰望，欣賞四叔細細個已經型到裂。姜麗文亦有為John哥送上生日祝福：「Happy Birthday，Uncle John！！祝四叔身體健康、心想事成、生日快樂！We love you！」