硬撼拋胸莊思敏　林敏驄吐晒口水

周柏豪、林敏驄 、林盛斌 （Bob）、張繼聰、莊思敏（Jacquelin）等人演出新片《西謊極落：太爆‧太子‧太空艙》，電影內其中一幕講述五位角色無意中捲入有錢女綁架案。煞科當日，眾人保護飾演有錢女的Jacquelin，豈料中途炒車，眾人在車廂四圍碌，混亂中林敏驄更一頭撼向莊思敏胸部，搞到噴晒口水。

Jacquelin表示，拍《西》片的確很愉快，「因為幾乎每一個對手都合作過，係林敏驄冇合作過，佢個人very nice，好搞笑，阿Bob同柏豪合作最多，阿聰又拍過劇，開工似聚舊，大家都好多嘢傾。我今次個角色幾得意，係一個刁蠻有錢女，但冇腦到一個頂點，會炫富，結果俾人綁票，過程中遇到呢幾個人，但佢哋救我之後反而發生好多意外。」