孖好姊妹賀29歲生日 千雪BB俾煙花蠟燭嚇到傻笑

朱千雪忙緊讀法律博士課程，呢排考完試，千雪BB終於可以開心放假。噚日係佢嘅29歲生日，好姊妹岑杏賢、湯洛雯、蔣家旻送上靚靚蛋糕為壽星女賀壽，齊齊嘟嘴賣萌影相留念，又索又Cute。

人見人愛嘅千雪BB一向廣交朋友，食足3個生日蛋糕嘅佢，仲俾煙花蠟燭嚇到傻笑，真係趣緻。佢喺社交平台開心分享照片，並留言：「過了一個很幸福的生日！今天29了。」生日快樂千雪​​​​BB！