盛傳謝天華追B得米　Tina忍口調理身子

現年49歲、Laughing哥謝天華，兩年前太太許天恩Tina以42歲高齡，如願一索得男，生咗囝囝「天天」謝浩飛。近日坊間盛傳謝太懷上第二胎，圓老公心願。

有傳媒報道，謝太Tina本身屬高齡、高血壓、高血糖，為趕及生女，近月亦遵從醫生告誡，全力控制血壓同血糖，飲食亦揀有營養食物，調理身子。謝天華好友佘詩曼日前都在Fb暗示謝家有喜，玩網上直播看見Tina跟她說生日快樂，突然大爆一句「有啲秘密唔講得住」，惹來外間揣測謝天華太太懷有第二胎，雖然阿佘澄清不是踢爆，不過大家都好想天華生女成真。

恨追女恨到出曬面嘅謝生謝太，為咗個「好」字，都十分努力造人。去年謝天華49歲生日上TVB節目《娛樂3兄弟》時，主持人問他生日願望是否追多個BB，他笑笑口話不介意，與太太都鍾意小朋友。